Tramp transseksual əsgərlərin orduda iştirakını qadağan etdi

ABŞ prezidenti Donald Tramp transseksual fərdlərin xidmət etməsini qadağan edən fərman da daxil olmaqla, Amerika ordusunda islahatların aparılması üçün dörd sərəncam imzalayıb. 

TodayPress xəbər verir ki, bu barədə “CNN" məlumat yayıb.

Xüsusilə, Amerika liderinin fərmanları həm transgender xidməti, həm də orduda müxtəlifliyi, bərabərliyi və inklüzivliyi təmin edən proqramları ləğv edir. Bundan əlavə, prezident COVID-19-a qarşı peyvənd olunmaqdan imtina etdiyi üçün işdən çıxarılan hərbi qulluqçuları işə bərpa edib. Onlara maaşları geri qaytarılacaq. 

Adı açıqlanmayan amerikalı məmurun sözlərinə görə, Trampın yeni fərmanında cinsiyyətini dəyişən şəxslərin hərbi xidmət üçün zəruri olan sağlamlıq meyarlarına cavab verməməsi xüsusi qeyd olunub. Nəşrin həmsöhbəti əlavə edib ki, transseksuallar tibbi yardıma ehtiyac duyurlar, bu da qoşunların yerləşdirilməsinə və ya digər döyüş hazırlığı tələblərinə maneə törədir.

Töhfə Səməd