Tramp niyə psixi vəziyyətini açıqlamaqdan yayınır?

“Respublikaçılar Partiyasından prezidentliyə namizəd Donald Tramp səhhəti ilə bağlı tam hesabat açıqlamayıb ki, bu da onun zəif və əqli cəhətdən qeyri-sabit görünmək qorxusunu əks etdirə bilər”. 

TodayPress xəbər verir ki, bu fərziyyəni onun demokrat rəqibi Kamala Harris irəli sürüb.

“Sizi təəccübləndirir ki, Trampın heyəti niyə onun gizlənməsini istəyir? Həqiqətən də təəccüblənməlisiniz. Onlar onun ABŞ-yə rəhbərlik etmək üçün çox zəif və əqli cəhətdən qeyri-sabit olduğunu görəcəklərindən qorxurlar?” deyə siyasətçi soruşub. 

Harris həmçinin qeyd edib ki, Tramp seçicilərə qarşı şəffaf deyil, çünki o, sağlamlığı və siyasi planları ilə bağlı mühüm detalları hələ açıqlamayıb.

Töhfə Səməd