Tramp idxal olunan bütün mallara 25% rüsum vəd etdi

ABŞ-nin yeni seçilmiş Prezidenti Donald Tramp qanunsuz miqrasiya, narkotik qaçaqmalçılığı ilə əlaqədar Meksika və Kanadadan idxal olunan bütün mallara 25 % rüsum tətbiq edəcəyinə söz verib.

TodayPress-in məlumatına görə, bu barədə Tramp "Truth Social" sosial şəbəkəsindəki hesabında yazıb.

"Hamı bilir ki, Meksika və Kanadadan minlərlə insan (ABŞ-yə) gəlir, buna görə də cinayət və narkotik ticarəti görünməmiş həddə çatıb. Yanvarın 20-də mənim ilk fərmanlarımdan biri Meksika və Kanadadan ABŞ-yə çatdırılan bütün mallara 25 % tarif tələb etmək üçün bütün lazımi sənədləri imzalamaq olacaq” deyə o, bildirib.

Tramp Meksika və Kanadanın uzun müddətdir davam edən bu problemi həll etmək üçün hər cür imkana malik olduğunu vurğulayıb.