Tramp Cənubi Afrikaya maliyyənin dayandırılmasının səbəbini açıqladı

"ABŞ Cənubi Afrikaya maliyyə yardımını kəsir, çünki o, yerli əhalinin torpaqlarını müsadirə edir və müəyyən təbəqələrə qarşı çox pis rəftar edib". 

TodayPress xəbər verir ki, bu barədə ABŞ prezidenti Donald Tramp özünün “Truth” sosial şəbəkəsində məlumat verib. 

Tramp qeyd edib ki, Cənubi Afrikada torpaq məsələsi uzun müddətdir mübahisələrə səbəb olub. 

“Cənubi Afrika torpaqları müsadirə edir və insanların müəyyən təbəqələri ilə çox pis rəftar edir. Bu vəziyyətlə bağlı tam təhqiqat tamamlanana qədər Cənubi Afrikaya gələcək maliyyəni dayandıracağam!” Tramp yazıb.

Cənubi Afrika hökumətinin məlumatına görə, 1913-cü il “Doğma Torpaq Aktı” minlərlə qaradərili ailənin totalitar rejim tərəfindən öz torpaqlarından zorla qovulması ilə nəticələnib.

Xatırladaq ki, yanvarın 25-də ABŞ dövlət katibi Marko Rubio xarici ölkələrə maliyyə yardımı proqramlarının əksəriyyətinin dayandırılması barədə göstəriş verib.  

Nicat Osman