Tramp: "Bayden hakimiyyəti məni layiqincə qoruya bilmədi"

ABŞ-nin keçmiş prezidenti və noyabrın 5-də keçiriləcək prezident seçkilərinə namizəd, sui-qəsd cəhdinə məruz qalan Donald Tramp hazırkı prezident Co Bayden və vitse-prezident Kamala Harrisin administrasiyasının onu “düzgün” müdafiə etmədiyini bəyan edib.

TodayPress xəbər verir ki, “Truth Social” hesabında paylaşım edən Tramp iyulun 13-də Pensilvaniyada məruz qaldığı sui-qəsd cəhdi ilə bağlı yeni dəyərləndirmələr edib.

O, mesajında ​​"Bayden və Kamala Harris administrasiyası məni layiqincə qoruya bilmədi və mən demokratiya üçün gülləyə tuş gəlməli oldum. Bunu etmək mənim üçün böyük şərəf idi" ifadələrini işlədib.

Sui-qəsd cəhdindən sonra tənqid edilən ABŞ Məxfi Xidmətinin direktoru Kimberli Çitlın istefa qərarı barədə danışan Tramp “Fox News Digital”-a “O, lazımi müdafiəni təmin edə bilmədi və mən demokratiya üçün gülləyə tuş gəlməli oldum” sözlərini təkrarlayıb.

Nəzrin Cavadzadə