Tramp ABŞ siyasətində daha bir dəyişiklik etdi: Müxtəliflik ləğv edildi

ABŞ prezidenti Donald Tramp müxtəliflik, bərabərlik və inklüzivlik (DEI) siyasətlərinin ləğv edilməsini əmr edib və onları ayrı-seçkilik adlandırıb. 

TodayPress xəbər verir ki, bu barədə "Associated Press" (AP) məlumat yayıb.

“Mən bütün departament və agentlikləri ayrı-seçkilik və qeyri-qanuni müxtəlifliyə, bərabərliyə və inklüziv siyasətlərə, proqramlara və tələblərə son qoymağa yönəldirəm. Mən həmçinin bütün agentlikləri ABŞ-nin uzunmüddətli vətəndaş hüquqları qanunlarını həyata keçirməyə, özəl sektorda ədalətsiz üstünlüklərə və DEI proqramlarına qarşı çıxmağa istiqamətləndirirəm” deyə lider öz sərəncamında bildirib.

Bundan əlavə, Trump DEI-yə cavabdeh olan bütün işçilərin ödənişli məzuniyyətə göndərilməsini və nəticədə işdən çıxarılmasını əmr edib.

Töhfə Səməd