Tokayev və Tramp arasında telefon danışığı baş tutdu

Qazaxıstan Prezidenti Kasım-Jomart Tokayevlə ABŞ-ın yeni seçilmiş Prezidenti Donald Tramp arasında telefon danışığı olub.

TodayPress  xəbər verir ki, bu barədə Qazaxıstan prezidentinin rəsmi saytında məlumat verilib.

Bildirilib ki, Tokayev Trampı prezident vəzifəsinə seçilməsi münasibətilə təbrik edib.

Siyasətçilər ticarət, sərmayə və nüvə silahlarının yayılmaması sahəsində strateji tərəfdaşlığın intensiv inkişafına qarşılıqlı sadiqliyi təsdiqləyiblər.

Qazaxıstan Prezidenti beynəlxalq gündəmin ən aktual məsələlərlə bağlı ölkəsinin mövqeyini açıqlayıb.

Prezidentlər ikitərəfli əməkdaşlığın yüksək dinamikasını saxlamaq məqsədilə müntəzəm əlaqələr qurmaq barədə razılığa gəliblər.