Təyyarə təcili eniş etdi – 30 sərnişin yaralandı

İspaniyanın paytaxtı Madriddən Uruqvayın paytaxtı Montevideoya yola düşən bir təyyarə havada şiddətli qasırğaya düşüb.

TodayPress BBC-yə istinadən xəbər verir ki, təcili eniş etməli olan təyyarədə 30 sərnişin müxtəlif dərəcəli bədən xəsarətləri alıb. 

İspaniyanın "Air Europa" aviaşirkətinə aid "Boeing 787-9" təyyarəsi Braziliyanın şimal-şərq istiqamətindəki Natal hava limanına yönləndirilib.

Normal şəkildə yerə eniş edən təyyarəni təcili yardımlar qarşılayıb. Sərnişinlərə ilkin tibbi müdaxilələr edilib. Vəziyyəti ağır olan 10 nəfər xəstəxanaya yerləşdirilib.