Təxminən 2000 il əvvəl basdırılmış 28 at skeleti aşkar edildi

Fransada arxeoloqlar təxminən 2000 il əvvəl basdırılmış 28 atın skeletinin olduğu doqquz məzar aşkar ediblər.

TodayPress xəbər verir ki, həmin atların dəqiq ölüm səbəbi hələ də sirr olaraq qalır.

Arxeoloqlar skeletlərin vəziyyətini və sümüklər arasındakı əlaqəni müşahidə etdikdən sonra bütün bu atların ölümlərindən qısa müddət sonra eyni vaxtda basdırıldığını bildiriblər.

Bütün qəbirlər tam qazılmayıb, lakin artıq səthdə görünən kəllə və koksal sümüklərindən cəmi 28 at müəyyən edilib.

Arxeoloqların dediyinə görə, atların ya döyüşdə, ya da ritual qurbanın bir hissəsi kimi öldürülməsi ehtimal olunur.

Nəzrin Cavadzadə