Tbilisidə etirazçılar mərkəzi küçə ilə hərəkəti dayandırdılar

Tbilisidə etirazçılar parlament binası yaxınlığında Rustaveli prospekti ilə avtomobillərin hərəkətini bağlayıblar.

TodayPress xəbər verir ki. Bu barədə “TASS”  məlumat yayıb.

Məlumata görə, noyabrın 28-dən hər gün keçirilən etiraz aksiyalarının keçirildiyi parlament binasının qarşısına 1000-ə yaxın insan toplaşıb.

Gürcüstan Dövlət Təhlükəsizliyi Xidməti ötən gün bildirib ki, Tbilisidə hökumət əleyhinə mitinqlərin təşkilatçıları dekabrın 14-nə təyin edilmiş Gürcüstanda prezident seçkilərini pozmağa, bununla da siyasi sistemi xaosa salmağa çalışırlar.

Gürcüstanda prezident seçkiləri dekabrın 14-nə təyin edilib. Prezident ilk dəfə olaraq seçki kollegiyası tərəfindən seçiləcək. Yeganə namizəd hakim partiya tərəfindən irəli sürülən keçmiş deputat, futbolçu Mixail Kavelaşvilidir. İnauqurasiya mərasimi dekabrın 29-da keçiriləcək.

Aynur TAC