Tanker qəzasından sonra 14,5 ton neft tullantısı toplandı

Kerç boğazında tankerin qəzaya uğramasından sonra mütəxəssislər sahil xətti boyunca 14,5 tondan çox neft tullantıları toplayıblar. 

TodayPress xəbər verir ki, bu barədə Rusiya Dəniz Xilasetmə Xidməti məlumat dərc edib.

“Dənizdə Xilasetmə Xidmətinin Azovo-Çernomorski filialının sahil xilasetmə dəstəsi su sahəsindən əl ilə 225 kq yağlı tullantı toplayıb. Ümumi miqdarı 14 565 kq olan neft məhsullarının toplanması üçün xüsusi texnika ilə iş aparılır” deyə məlumatda bildirilir.

Qeyd edək ki, son 24 saat ərzində Xilasetmə Xidmətinin Azov-Qara dəniz bölməsinin gəmiləri 10,6 kvadratmetrdən çox əraziyə baxış keçirib.

Sevastopol limanının akvatoriyasında isə yanvarın 5-dən etibarən "Dəniz Xilasetmə Xidməti" Federal Dövlət Büdcə Müəssisəsinin gəmiləri 234,2 kvadratmetr ərazinin çirklənməsinə dair tədqiqatlar aparır.

İdarədən verilən məlumata görə, bu günə kimi Anapa sularında bütün çirklənmələr təmizlənib, təkrar çirklənmə aşkar edilməyib. Ümumilikdə, qəzadan sonra Anapa limanı da daxil olmaqla sahil xətti boyunca akvatoriyada əl ilə 14 755 kq yağlı tullantı toplanıb.

Nicat Osman