Tacikistanda parlament seçkiləri keçirilir

Tacikistanda parlament seçkiləri keçirilir.

TodayPress Tacikistan Mərkəzi Seçki və Referendum Komissiyasına (MSK) istinadən xəbər verir ki, seçkilərdə yeddi qeydiyyatdan keçmiş partiyadan altısı iştirak edir. İstisna Tacikistan Sosial-Demokrat Partiyasıdır (TSDP).

Bu il keçirilən seçkilərdə parlamentin aşağı palatasındakı 63 yer uğrunda 220 namizəd mübarizə aparır: 152 namizəd 41 təkmandatlı dairədə, 68 namizəd isə ümumi respublika seçki dairəsində partiya siyahıları üzrə seçkiyə qatılıb.

Hakim Xalq-Demokrat Partiyası (XDP) – 28, Kommunist Partiyası – 5, Demokrat Partiyası – 3, İqtisadi İslahatlar Partiyası – 13, Aqrar Partiya – 13, Sosialist Partiya – 6 namizəd irəli sürüb.

Tacikistan KİV-in qeyd etdiyinə görə, seçkilərdə iştirak edən partiyalardan heç biri hakimiyyəti tənqid etmir.

2025-ci il seçkiləri Tacikistanın müstəqillik tarixində yeddinci, vətəndaş müharibəsinin bitməsindən və iki palatalı parlament sisteminin yaradılmasından sonra isə altıncı parlament seçkisidir.

Qiymət Mahir