Tacikistan 2025-ci ildə MDB-yə sədrlik edəcək

Tacikistan 2025-ci ildə Müstəqil Dövlətlər Birliyinə (MDB) sədrlik edəcək.

TodayPress xəbər verir ki, bunu Rusiya prezidentinin köməkçisi Yuri Uşakov brifinqdə bildirib.

Onun sözlərinə görə, bu qərar, eləcə də Dövlət Başçıları Şurasının növbəti iclasının tarixi MDB-nin sabah keçiriləcək sammitində təsdiqlənəcək.

Liderlər həmçinin Dövlət Başçıları Şurasının növbəti iclasının keçirilməsini müzakirə edəcəklər.

“Tacikistanlı həmkarlarımız məsələ ilə bağlı təklif irəli sürüblər və təklif qəbul olunacaq. Növbəti görüş 2025-ci il oktyabrın 10-da Düşənbədə baş tutacaq” Rusiya prezidentinin köməkçisi bildirib.

Rusiya 2024-cü ildə MDB-yə sədrlik edir. Uşakovun sözlərinə görə, 150-yə yaxın sədrlik tədbirinin əksəriyyəti artıq baş tutub.

Aynur TAC