Suriya siyasətçiləri hərbi əməliyyatları dayandırmağa çağırdı

Suriyanın bir sıra siyasi qüvvələri ölkənin bəzi bölgələrində təhlükəsizlik məsələləri ilə bağlı pozuntulara işarə edərək, Ərəb dövlətində hərbi əməliyyatları dayandırmağa çağırıb. 

TodayPress xəbər verir ki, bu barədə “TASS”a daxil olan məlumatda deyilir.

“Biz müxtəlif sahələrdə müəyyən pozuntular və praktikalara görə insanlar arasında qorxu və təşvişin azaldılmasına yönəlmiş aydın və ictimai şəkildə elan edilmiş addımlar ataraq, təhlükəsizliyi, sülhü və azadlığı qoruyaraq Suriya ərazisində hərbi əməliyyatları dayandırmağa çağırırıq”. 

Buna əsasən müəyyən edilib ki, bu bəyanatı xüsusilə Ərəb Sosialist Partiyası (Baas), Birləşmiş Suriya Kommunist Partiyası, Suriya Sosial Millətçi Partiyası, eləcə də bir sıra müstəqil suriyalı siyasətçilər yayıb.

Bəyanatda qeyd olunur ki, Dəməşqdə hakimiyyəti ələ keçirdikdən sonra silahlı müxalifətin lideri Əbu Məhəmməd əl-Culani ləqəbi ilə tanınan Əhməd əl-Şara Suriya ərazilərinin birliyini və dövlət qurumlarının qorunub saxlanmasını təmin edəcəyinə söz verib. Əl-Şara həmçinin Suriyada bütün etnik-dini qrupların hüquqlarına hörmət ediləcəyini, məzhəb nifrətinin qızışdırılmasının qadağan ediləcəyini bildirib.

Töhfə Səməd