Suriya İdlibdə terrorçuların qərargahını məhv etdi

Suriya Hərbi Hava Qüvvələri İdlib şəhərinin qərbində Həyat Təhrir əş-Şam terror qruplaşmasının komanda mərkəzini məhv edib.

TodayPress xəbər verir ki, bu barədə  “Şam FM” radiosu bildirib.

Məlumata görə, onların ərəb əsilli liderlərindən biri də daxil olmaqla, onlarla  silahlıları öldürülüb.

Noyabrın 27-də səhər saatlarında “Cəbhət ən-Nusra” ekstremist qruplaşması Suriyanın şimalında böyük hücum həyata keçirib.

Suriya silahlı qüvvələrinin məlumatına görə, terrorçular hökumət bölmələrinin mövqelərini hədəfə almağa davam edərək, Suriya silahlı qüvvələrinin mühafizəsi altında olan kənd və qəsəbələrə , hərbi obyektlərə hücum etməyə cəhd ediblər.

Suriya ordusu basqını dəf etmək üçün əməliyyata başlayıb. Noyabrın 30-da ölkənin hərbi komandanlığı bəyan edib ki, silahlı qüvvələr Hələb şəhərinin bir çox məhəllələrində terrorçuların mövqelərinə zərbələr endirilib.

Aynur TAC