Stress diş sağlamlığına təsir edir

Xroniki stressin bədənin bütün orqan və sistemlərinə, o cümlədən diş sağlamlığına ciddi mənfi təsirləri var.   

TodayPress xəbər verir ki, stress zamanı bədəndəki hormonların artması, məsələn, adrenalin və kortizol, çeynəmə əzələlərinin gərginləşməsinə səbəb olur, bu da dişlərin üzərində gərginlik yaradır və çatların əmələ gəlməsinə gətirib çıxarır. 

Stress həmçinin tüpürcək ifrazını azaldır, bu da dişləri qoruyan turşuların təsirini artırır və nəticədə diş minasının zəifləməsinə, bakteriyaların artmasına və çürük yaranmasına səbəb olur. 

Bundan əlavə, qan dövranının zəifləməsi diş ətində və sümük toxumasında dəyişikliklərə yol açır. Bu, dişlərin sağlamlığını pisləşdirir və ağız boşluğunda yaraların meydana gəlməsinə səbəb olur. 

Stress həmçinin yuxusuzluğa gətirib çıxarır ki, bu da yuxuda dişlərin sıxılması kimi problemlərə yol açır. Bu vəziyyət dişlərin qırılmasına və aşınmasına səbəb ola bilər. 

Türkan İsgəndərli