“SpaceX” şirkəti yük gəmisinin kosmosa buraxılmasını təxirə saldı

ABŞ-ın "SpaceX" şirkəti Beynəlxalq Kosmik Stansiyada (BKS) ehtiyatları artırmalı olan “Cygnus” yük gəmisi ilə birlikdə “Falcon 9” daşıyıcı raketinin buraxılışını əlverişsiz hava şəraiti ilə əlaqədar təxirə salıb.

TodayPress xəbər verir ki, bu barədə şirkətin “X”-dəki səhifəsində dərc olunmuş məlumatda deyilir.

Qeyd olunur ki, buraxılış şənbə günü ABŞ-ın Şərqi Sahil vaxtı ilə saat 11:29-da Kanaveral burnundakı (Florida) kosmodromdan baş tutmalı idi.

“SpaceX” Əlverişsiz hava şəraiti ilə əlaqədar “Cygnus” yük gəmisinin buraxılışını bir gün təxirə salıb", - deyə məlumatda deyilir. Buraxılışın bazar günü baş tutması gözlənilir.