Sevastopolda fövqəladə vəziyyət elan edildi

Sevastopolda sahil zolağında mazut ləkələrinin aşkarlanması ilə əlaqədar fövqəladə vəziyyət elan edilib.

TodayPress xəbər verir ki, bu barədə vilayətin qubernatoru Sergey Razvojayev “Telegram” kanalında məlumat yayıb.

Qubernator bildirib ki, 100 kvadrat kilometrdən çox ərazidə mazut ləkələri aşkar edilib.

Onun sözlərinə görə, yerli sakinlər və xilasedicilər artıq hadisənin aradan qaldırılmasına başlayıblar.

Qeyd edək ki, dekabrın 15-də Krım və Krasnodarda Kerç boğazında mazut daşıyan Volgoneft-212 və Volgoneft-239 tankerləri qəzaya uğrayıb. Bunun ardınca Kubanda Qara dəniz sahillərinin hissələrinin çirklənməsi baş verib.

Aynur TAC