Sel və torpaq sürüşmələri nəticəsində 13 nəfər həlak oldu

Qırğızıstanın cənub-qərbində sel və torpaq sürüşmələri nəticəsində ölənlərin sayı 13-ə yüksəlib.

TodayPress xəbər verir ki, bu barədə ölkənin Fövqəladə Hallar Nazirliyi məlumat yayıb.

Belə ki, cümə günü Oş vilayətinin Nookat bölgəsində yağan güclü yağış sel sularına səbəb olub. Nəticədə iki körpü və elektrik dirəkləri zədələnib, 15 fərdi evin həyətini su basıb. Ərazidə fövqəladə vəziyyət elan edilib.

Məlumata görə, ölənlərdən dördü Qırğızıstana ziyarətə gələn Qazaxıstan vətəndaşlarıdır.

Bölgədə axtarış-bərpa işləri davam edir.