Şalva Papuaşvili: Müxalifət seçkinin nəticələrini rədd etməyə hazırlaşır

Gürcüstan müxalifəti oktyabrın 26-na təyin edilmiş parlament seçkilərini qeyri-legitim elan etməyə hazırlaşır.

TodayPress “TASS”a istinadən xəbər verir ki, bu barədə Gürcüstan parlamentinin spikeri Şalva Papuaşvili Gürcüstanın “İmedi” televiziyasına açıqlamasında bildirib.

"Biz artıq görürük ki, onlar ənənəvi olaraq bu seçkiləri hansısa yolla qeyri-legitim elan etməyə hazırlaşırlar. Amma indi də əvvəlki kimi, həqiqətlə üzləşməli olacaqlar" deyə Papuaşvili deyib.

Onun sözlərinə görə, müxalifət əvvəllər də seçkilərin nəticəsini rədd edib, lakin heç nəyə nail olmayıb.

Xatırladaq ki, Gürcüstanda 2024-cü il oktyabrın 26-da parlament seçkiləri keçiriləcək. Parlament respublikası olduğu üçün bu seçkilər ölkənin əsas seçkiləri hesab olunur. “Gürcü Arzusu” partiyası 2012-ci ildən hakimiyyətdədir.

Nəzrin Cavadzadə