Rusiyanın Kiyevə uzaqmənzilli silah tədarükünə cavabı qəddar olacaq: Rusiya XİN

“ABŞ Kiyevə Rusiya ərazisinin dərinliklərində uzaqmənzilli silahlarla zərbə endirmək üçün bütün kart-blanş verib, Moskvanın buna cavabı ağır olacaq”

TodayPress xəbər verir ki,bunu Rusiya xarici işlər nazirinin müavini Sergey Ryabkov jurnalistlərə açıqlamasında bildirib.

"Rusiya prezidenti bu mövzuda hər şeyi deyib. Ona görə də biz qəddar şəkildə cavab verəcəyik” Ryabkov bildirib.

Rusiya prezidenti Vladimir Putin daha əvvəl bildirib  ki, Ukrayna Qərbin köməyi olmadan Rusiya ərazisinə dərin zərbələr endirmək iqtidarında deyil, çünki bunun üçün peyklərdən və uçuş missiyalarından kəşfiyyat məlumatlarına ehtiyacı var.

O, Moskvanın Rusiya üçün yaranacaq təhdidlərə əsaslanaraq qərarlar qəbul edəcəyinə işarə edib.

Sentyabrın 13-17-də Moskvada BRIKS Media Sammiti keçirilir. Tədbirdə qrupa üzv dövlətlərin və BRİKS-ə qoşulmaq üçün müraciət etmiş ölkələrin aparıcı media qurumlarının rəhbərləri bir araya gəlir.

Qeyd edək ki, "TASS" sammitin təşkilatçısıdır.

Aynur TAC