Rusiyadan “Avroviziya”ya alternativ

Rusiyada “Avroviziya” mahnı müsabiqəsinin analoqu “Dobrovidenie” adlı beynəlxalq musiqi layihəsi fəaliyyət göstərir. 

TodayPress xəbər verir ki, bu barədə “Parlamentskaya qazeta” məlumat yayıb.

Nəşrin yazdığına görə, “Dobrovidenie” 2015-ci ildən keçirilir. Layihənin təşəbbüskarı deputat Oleg Nilovdur.

O, 2014-cü ildə “Avroviziya”da Konçita Vurstun qalib gəlməsinə etiraz olaraq bu müsabiqəni yaratdığını bildirib.

2024-cü ildə tədbirdə Çin və Hindistandan sənətçilər çıxış edib. Nilovun sözlərinə görə, “Dobrovidenie-2025” Böyük Vətən Müharibəsində Qələbənin 80 illiyinə və “Vətən Müdafiəçisi İli”nə həsr olunacaq.

Mayın 8-dən 13-dək Moskvanın konsert zalları, paytaxt meydanları, hospital və reabilitasiya mərkəzlərində xüsusi hərbi əməliyyatın iştirakçıları ilə görüşlər keçiriləcək. 

Qiymət Mahir