Rusiyada "Tu-22M3" bombardmançı təyyarəsi qəzaya uğradı

Rusiyanın Çeremxovo rayonunda Tu-22M3 bombardmançı təyyarəsi qəzaya uğrayıb.

TodayPress xəbər verir ki, bu  barədə Rusiya Müdafiə Nazirliyi məlumat yayıb.

Məlumata görə, təyyarənin ekipajı havaya qalxsa da, sonradan boş əraziyə düşüb. Qəzada ölən yoxdur.

İlkin ehtimala görə, qəzaya səbəb texniki nasazlıq olub. Müdafiə Nazirliyi təyyarə qəzasının digər təfərrüatlarını açıqlamayıb.

Bundan əvvəl Volqoqrad vilayətində "Su-34" qırıcı təyyarəsi qəzaya uğrayıb. Rusiya Müdafiə Nazirliyinin məlumatına görə, təyyarə planlı təlim uçuşunu yerinə yetirərkən boş əraziyə düşüb.

Aytac Müşfiq