Rusiya XİN Qərbə xəbərdarlıq etdi

Rusiyadakı Amerika əmlakının müsadirə mexanizmi hələlik praktikada tətbiq edilməyib. Lakin ABŞ hakimiyyəti tərəfindən Rusiyanın aktivləri müsadirə edilərsə, Moskva da buna əsasən hərəkət edəcək. 

TodayPress xəbər verir ki, bunu “RİA”ya açıqlamasında Rusiya Xarici İşlər Nazirliyinin İqtisadi Əməkdaşlıq Departamentinin direktoru Dmitri Biriçevski deyib.

Onun sözlərinə görə, aktivlərin ələ keçirilməsi cəhdləri ilə bağlı anti-Rusiya hərəkətləri cavabsız qalmayacaq.

“Başqasının suveren mülkiyyəti ilə eksperimentlər həyata keçirməyin nəticələri kollektiv Qərb üçün heç də yaxşı olmayacaq. Qarşılıqlılıq prinsipinə tam uyğun hərəkət edəcəyik” deyə o, bildirib.

Diplomat qeyd edib ki, Rusiyanın ABŞ-dəki suveren aktivləri bloklanıb. Moskva bu fondların nominal mülkiyyətini özündə saxlayır. “Bunun əsasında biz öz əks-sanksiya xəttimizi qururuq” deyə Biriçevski əlavə edib.

May ayında Rusiya prezidenti Vladimir Putin Rusiya aktivlərinin müsadirəsi nəticəsində dəymiş ziyanı kompensasiya etmək üçün Rusiya məhkəmələrinə ABŞ əmlakından istifadə etmək hüququ verən fərman imzalayıb. Söhbət Rusiyanın müəllif hüquqları sahiblərinə hüquqların tam ötürülməsindən gedir.

Dövlət Duması bu fərmanı Qərbin təcavüzkar siyasətinə cavab olaraq “təbii həll” adlandırıb. Bundan əvvəl Cozef Bayden Rusiyanın aktivlərinin müsadirə edilməsinə və onlardan Ukraynaya kömək etmək üçün istifadə edilməsinə icazə verən qanun imzalasa da, indiyədək ABŞ bu vəsaitləri ələ keçirmək üçün heç bir cəhd göstərməyib.

Töhfə Səməd