Rusiya və Ukrayna ombudsmanları Belarusda görüşdülər

Rusiya və Ukrayna ombudsmanları Belarusda görüş keçiriblər.

TodayPress xəbər verir ki, bunu Rusiyanın İnsan Hüquqları üzrə Ombudsmanı Tatyana Moskalkova bildirib.

Bildirilib ki, ölkə vətəndaşlarına yardım göstərilməsi sahəsində əməkdaşlıq müzakirə  edilib.

"Belarusda Ukrayna Ali Radasının insan hüquqları üzrə müvəkkili ilə görüş keçirilib. Biz qarşılıqlı razılıq və hərbi əsirlərin ailə üzvlərinə məktubları əsasında baş çəkdiyimiz şəxslərin siyahılarını mübadilə etdik, həmçinin humanitar sahədə gələcək əməkdaşlığı müzakirə etdik. mülki şəxslərə yardım, o cümlədən itkin düşənlərin tapılması, ailələrin qovuşması və ailələrin əsirlərə baş çəkməsinə köməklik göstərilməsi bura aiddir” deyə Moskalkova vurğulayıb.

O, həmçinin bildirib ki, Ukraynadan olan 91 yaşlı qadın Belarus parlamentinin köməyi ilə Belarusdakı rus ailəsinə qovuşub.

"Oğlu bizdən xahiş etdi ki, anasını Rusiyaya köçürməyə kömək edək ki, ona baxa bilsin. Biz Ukrayna tərəfi ilə razılaşdıq ki, qadın Rusiyaya gedə bilər, lakin problem onun təkbaşına hərəkət edə bilməməsi olub" o əlavə edib.

Aynur TAC