Rusiya Ukraynaya raket zərbələri endirdi, 20 nəfərdən çox ölən var

Rusiya hərbi aviasiyası Ukraynanın Kiyev, Dnepr və Krivoy-Roq şəhərlərinə raket zərbələri endirib. Hücum zamanı əsasən “Kinjal” və “Kalibr” raket sistemlərindən istifadə edilib. 

TodayPress-in məlumatına görə, həyəcan siqnalı ilə əraziyə dərhal təcili yardım və yanğınsöndürmə briqadaları, eləcə də polis əməkdaşları cəlb edilib. Paytaxtda raket zərbələri zamanı ümumilikdə 7 nəfərin öldüyü bildirilir. Atılan raketlərin bir hissəsi isə paytaxtın Şevçenko rayonu ərazisinə düşüb.

Dnepr və Krivoy-Roq şəhərləri də aviahücumlara məruz qalıb. 10 nəfər ölüb, 31 nəfər yaralanıb. Xəsarət alanlardan 10-nun vəziyyəti ağırdır

Ukraynanın Müdafiə Nazirliyi hava hücumundan müdafiə sistemlərinin tam gücü ilə işə düşdüyünü açıqlayıb.