Rusiya ordusu irəlilədi – Daha iki kənd ələ keçirildi

Rusiya ordusu Luqansk vilayətinin Artyomovsk və Xarkov vilayətinin Timkovka kəndlərini ələ keçirib. Bu barədə Rusiya Müdafiə Nazirliyi məlumat yayıb.

“Rusiyanın gün ərazində Xarkov vilayətinə hücumu nəticəsində 4 nəfər ölüb, daha 11 nəfər yaralanıb”. 

Bunu isə Xarkov vilayət hərbi administrasiyasının rəhbəri Oleq Sinequbov deyib.

Onun sözlərinə görə, Xarkovun Kiyev və Saltovski rayonlarına KAB-lar (tənzimlənən aviabombalar) vasitəsilə hücum nəticəsində 1 nəfər ölüb, 7 nəfər yaralanıb, Çuqevski rayonunda iki nəfər ölüb, iki nəfər yaralanıb, Dementyevka kəndi yaxınlığında isə 1 nəfər ölüb, 3 nəfər yaralanıb.

Administrasiya rəhbəri 35 evə, 86 qaraja və 22 avtomobilə ziyan dəydiyini qeyd edib.