Rusiya nüvə doktrinasını Qərbə görə dəyişəcək

“Rusiya hazırkı münaqişələr ətrafındakı vəziyyətin təhlilinin nəticələrinə və Qərbin addımlarına uyğun olaraq özünün nüvə doktrinasını dəyişir”.

TodayPress xəbər verir ki, bunu Rusiyanın xarici işlər nazirinin müavini Sergey Ryabkov deyib.

Onun sözlərinə görə, bu addımın atılmasına səbəb Qərbin Rusiyanın Ukraynada həyata keçirdiyi xüsusi hərbi əməliyyatla bağlı mövqeyidir.

“Qarşımızda xüsusilə də Ukraynadakı xüsusi hərbi əməliyyat daxil olmaqla, son illərin münaqişələri ətrafındakı vəziyyəti təhlil edərək, ona uyğun dəyişikliklərin aparılması məsələsi dayanıb. Hazırda bu istiqamətdə iş davam etdirilir, lakin onun nə zaman başa çatacağı ilə bağlı fikir söyləmək çətindir. Çünki söhbət bilavasitə milli təhlükəsizliyimizin təmin olunmasının vacib aspektlərindən gedir” deyə o, əlavə edib.

Töhfə Səməd