Rusiya məhkəməsi Yuliya Navalnayanın həbsinə qərar verdi

Moskva məhkəməsi mərhum rusiyalı müxalif siyasətçi Aleksey Navalnının həyat yoldaşı Yuliya Navalnayanın iki ay müddətinə qiyabi həbsinə qərar verib.

TodayPress xarici mətbuata istinadən xəbər verir ki, məhkəmə Rusiyadan kənarda yaşayan Navalnayanı “ekstremist” qruplaşmada iştirakda ittiham edib. Qərara əsasən, ölkəyə ayaq basacağı təqdirdə, Navalnaya müəyyən müddətə qədər həbslə üzləşəcək.

Xatırladaq ki, 47 yaşlı Navalnaya ərinin fevral ayında Arktikada cəzaçəkmə koloniyasında ölməsindən sonra diqqət mərkəzində olub və Navalnının mübarizəsini davam etdirəcəyini bildirib.

Nəzrin Cavadzadə