Rusiya FTX: “Donetskdə terror aktının qarşısı alındı”

Təhlükəsizlik qüvvələri Donetsk ərazisində terror aktının qarşısını alıb və Ukrayna kəşfiyyatının şəriki olduğu ehtimal edilən şəxsi saxlayıb. 

TodayPress bu barədə Rusiya Federal Təhlükəsizlik Xidmətinin regional idarəsinə istinadən xəbər verir.

“Donetsk sakini saxlanılıb. O, terror aktına kömək etməkdə şübhəli bilinir” deyə məlumatda bildirilib.

Müstəntiqlərin fikrincə, ukraynalı yaraqlılar Rusiya Müdafiə Nazirliyinin rəsmi avtomobilini partlatmaq üçün əldəqayırma partlayıcı qurğudan istifadə etməyi planlaşdırıblar. Hücum edənlər bunun üçün lazım olan partlayıcıları məhbusun saxladığı komponentlərdən hazırlamalı olublar.

Töhfə Səməd