Rusiya ABŞ-yə xəbərdarlıq etdi

ABŞ-nın düşmənçilik hərəkətləri cavabsız qalmayacaq və Rusiyanın xarici iqtisadi strategiyası hazırlanarkən nəzərə alınacaq.

TodayPress  xəbər verir ki, bu barədə Rusiya Xarici İşlər Nazirliyinin ABŞ-ın bu ölkəyə qarşı son sanksiyaları ilə bağlı bəyanatında deyilir.

Vurğulanıb ki, ABŞ-ın hazırkı administrasiyasının bütövlükdə yerli enerji sektoruna və bir sıra iri şirkətlərə qarşı yeni məhdudlaşdırıcı tədbirlər, o cümlədən onların rəhbərliyinə, habelə Rusiya Energetika Nazirliyinin rəsmilərinə qarşı şəxsi sanksiyalar tətbiq etmək qərarı, prezident Cozef Baydenin vəzifəsinin başa çatması ərəfəsində qlobal bazarların sabitliyini pozmaq riski bahasına olsa belə, Rusiya iqtisadiyyatına ən azı müəyyən zərər vurmaq cəhdini əks etdirir:

“Təbii ki, Vaşinqtonun düşmənçilik hərəkətləri cavabsız qalmayacaq və xarici iqtisadi strategiyamız hazırlanarkən nəzərə alınacaq”.