Rostov şəhərinin adı dəyişdirilir

Yaroslavl vilayətinin Rostov şəhərinin adı yaxın tarixdə yenilənəcək. 

TodayPress xəbər verir ki, bu barədə Rusiya Dövlət Duması müvafiq layihəni birinci oxunuşda qəbul edib.

Sənəd baxılmaq üçün avqustun sonunda təqdim edilib. Qanun layihəsinin müəllifləri şəhərin adının Böyük Rostov adlandırılmasını təklif edərək, belə bir adın artıq tarixşünaslıq və ictimai istifadəyə daxil olması ilə əsaslandırırlar. Regional Duma sədrinin müavini Anton Kapralov plenar iclasda deyib: 

“Rostov və bütün Rusiya sakinlərinin fikrincə, şəhər həmişə Böyük Rostov olub və olacaq”.

Deputatın sözlərinə görə, təşəbbüs şəhərlilərin özlərinə məxsusdur və qubernator Mixail Evraev bunu təsdiqləyib. Hökumət də bu ideyanı dəstəkləyib - Nazirlər Kabinetinin rəsmi rəyində bildirilib ki, şəhərin adına “Böyük” sözünün əlavə edilməsi qanuni olaraq ənənəvi istifadə edilən adı təmin edəcək, mühüm tarixi və mədəniyyət mərkəzi statusunu vurğulayacaq. Rostovun adının dəyişdirilməsinin maliyyələşdirilməsi, sənədə əsasən, Yaroslavl vilayətinin büdcəsindən həyata keçiriləcək.

Töhfə Səməd