Qəzza münaqişəsində daha bir jurnalist həlak oldu

Fələstinli yazıçı, şair və jurnalist Məhəmməd Hicazi Qəzza zolağının şimalında yerləşən Cəbəliyə qaçqın düşərgəsində İsrailin hava hücumu nəticəsində həlak olub.

TodayPress xəbər verir ki, bu barədə Qətərin "Əl-Cəzirə" telekanalı Qəzza Səhiyyə Nazirliyinin bəyanatına istinadən xəbər verib.

Qeyd olunur ki, bununla da 7 oktyabr 2023-cü ildən bəri İsrail-Fələstin münaqişəsində həlak olan mətbuat işçilərinin sayı 220-yə çatıb.