Qətər girov mübadiləsinin ikinci mərhələsinin təfərrüatlarını açıqladı

HƏMAS ilə İsrail arasında girov və əsirlərin mübadiləsinin ikinci mərhələsi yanvarın 25-26-da baş tutacaq və bundan sonra fələstinlilər Qəzza zolağının şimalına qayıda biləcəklər. 

TodayPress xəbər verir ki, bu barədə Qətər Xarici İşlər Nazirliyinin rəsmi nümayəndəsi Məcid əl-Ənsari bildirib.

"Mübadilənin ikinci mərhələsi həftə sonu baş tutacaq, bundan sonra cənubdan şimala hərəkət asanlaşdırılacaq" deyə o əlavə edib.

Qətər Xarici İşlər Nazirliyinin sözçüsü qeyd edib ki, departament yeni mübadilənin daha rəvan getməsini gözləyir.

Xatırladaq ki, yanvarın 19-da HƏMAS ilk 3 girovu İsrailə təhvil verib. Atəşkəs razılaşması çərçivəsində İsrail Həbsxanalar İdarəsi 90 fələstinli məhbusu azad edib.

Töhfə Səməd