Qazaxıstan rus buğdasının ölkəyə idxalına icazə vermədi

“526 ton Rusiya taxılının ölkəyə idxalına cəhdin qarşısı alındı”. 

TodayPress xəbər verir ki, bu barədə Qazaxıstan Kənd Təsərrüfatı Nazirliyi məlumat yayıb. 

Bildirilib ki, 11-12 sentyabr tarixlərində Rusiya ilə sərhəddə yerləşən Qərbi Qazaxıstan vilayətinin dəmir yolu fitosanitar nəzarəti məntəqəsində 8 vaqon buğda aşkar edilərək Rusiya Federasiyasına qaytarılıb.

Qeyd edilib ki, daxili bazarı qorumaq üçün 2024-cü ildə üçüncü şəxslərdən və Avrasiya İqtisadi İttifaqına (Aİİ) üzv ölkələrdən Qazaxıstan ərazisinə buğda idxalının qadağan edilməsi qərara alınıb. 

Töhfə Səməd