Qasırğa 700 mindən çox evi işıqsız qoydu

Helen qasırğası Floridada 750 min evi işıqsız qoyub.

TodayPress xəbər verir ki, bu barədə "PowerOutage.us"  portalı məlumat yayıb. 

Hazırda "Helen" hələ də Amerika qitəsinə çatmayıb. Bununla belə, Florida ştatının Karib dənizinin dərinliklərinə qədər uzanan bir neçə bölgə qasırğa ilə müşayiət olunan güclü yağışlar səbəbindən artıq su altında qalıb.

ABŞ nəşrlərinin məlumatına görə, enerji şirkətləri kəsintilərə cavab vermək üçün 18 mindən çox xətt işçisi hazırlayıblar lakin bu tədbirlər kifayət etməyə bilər.  

Qeyd edək ki, Helen tropik qasırğası sentyabrın 25-i səhər saatlarında güclənib. Proqnozlara görə, qasırğa  son bir ildə ABŞ-ni vuran ən güclü qasırğa ola bilər. Sinoptiklər bildirirlər ki, Helen Floridanın sahil zolağının çox hissəsində həyat üçün təhlükə yaradan fırtına dalğalarına səbəb ola bilər. Milli Meteoroloji Xidmətin məlumatına görə, Florida, Corciya və Alabama ştatlarında 40 milyondan çox insan qasırğa və tropik tufan riski altındadır.

Günəş Mərd