Qadağan etməyə çalışdığı “TikTok”da hesab açdı

ABŞ-nin sabiq prezidenti Donald Tramp prezidentliyi dövründə milli təhlükəsizlik səbəbilə qadağan etməyə çalışdığı “TikTok” sosial şəbəkəsində hesab açıb.

TodayPress xəbər verir ki, o, dünən axşam açdığı təsdiqlənmiş “TikTok” hesabında qısa bir video paylaşıb. Tramp videoda "Burada olmaq şərəfdir" deyib. Hesabının açılmasından az sonra onun izləyicilərinin sayı bir milyonu keçib.     

Donald Tramp 2024-cü ildə ABŞ-də keçiriləcək prezident seçkilərində Respublikaçılar Partiyasının namizədi olacaq.   

Qeyd edək ki, hazırda “TikTok”un ABŞ-də 170 milyon istifadəçisi var.  

Günəş Mərd