Prezident: Braziliya Boliviyanın BRICS istəklərini dəstəkləyir

Braziliya Prezidenti Luis İnasiu Lula da Silva Boliviya və digər region ölkələrinə BRICS üzvlüyünün verilməsinin tərəfdarı olduğunu bildirib.

TodayPress xəbər verir ki, o bu barədə La-Pasda Boliviyalı həmkarı Luis Arse ilə görüşdən sonra jurnalistlərə deyib.

"Qrupun daha da genişlənməsi məsələsi oktyabrda Kazanda keçiriləcək sammit zamanı müzakirə olunacaq. Braziliya Boliviya və regionumuzun digər ölkələrinin üzvlüyünə çox müsbət yanaşdı" deyə Prezident bildirib.

Xatırladaq ki, Boliviya 2023-cü ilin iyununda BRICS-ə qoşulmaq istəyini açıqlamışdı.

Nəzrin Cavadzadə