Polşa rəsmisi: Ukrayna NATO-ya üzv ola bilməyəcəyini bilir

“Ukrayna liderləri Rusiya ilə münaqişə həll olunmayana qədər NATO-ya üzv olmayacaqlarını bilirlər.

TodayPress xəbər verir ki, bu barədə Polşanın daxili işlər naziri Tomaş Siemonyak ölkənin "PR1" radiosunda çıxışında bildirib.

Vaşinqtonda keçiriləcək NATO sammiti ilə bağlı danışan Siemonyak deyib ki, ABŞ-ın rəhbərlik etdiyi blokun üzvləri Ukraynaya gələcək dəstək və onun potensial üzvlüyünə necə yanaşacaqlarına qərar verməlidirlər.

O, Rusiya ilə düşmənçilik davam etdikcə Kiyevin NATO-ya qoşulmasının “mümkün olmadığını” qeyd edib və bloka Kiyevin son üzvlüyü ilə bağlı mövqeyini aydınlaşdırmağı təklif edib.

“Ukrayna liderləri realistdir və bilirlər ki, müharibə şəraitində olan ölkə NATO-ya qəbul edilməyəcək” deyə açıqlayan Siemonyak Kiyevin Qərbin dəstəyini almağa davam etməli olduğunu vurğulayıb.

“Sənədlər və bəyannamələr təkbaşına Ukraynanı müdafiə etməyəcək, ona görə də hesab edirəm ki, üzvlük perspektivi ortaya çıxacaq”.

Qeyd edək ki, bu həftənin əvvəlində “Politico” nəşri 60-dan çox beynəlxalq xarici siyasət ekspertinin imzaladığı birgə məktubu dərc etdi. Məktubda onlar Ukraynanın potensial NATO üzvlüyü ilə bağlı narahatlıqlarını dilə gətiriblər və bloku bunun ABŞ və müttəfiqləri üçün təhlükə yaradacağını və koalisiyanı parçalayacağını iddia edərək, Ukraynanın üzvlük yolunda irəliləməsinə imkan verəcək istənilən qərarlardan imtina etməyə çağırıblar. (RT)

Nəzrin Cavadzadə