Peruda avtobusun aşması nəticəsində 4 nəfər öldü, 20 nəfər xəsarət aldı

Perunun paytaxtı Limada qəbiristanlığın yaxınlığında sərnişin avtobusunun aşması nəticəsində azı 4 nəfər ölüb, 20 nəfər yaralanıb.

TodayPress “Andina” xəbər agentliyinə istinadən xəbər verir ki, avtobus Perunun Cənubi Panamerikan magistralının 34-cü kilometrliyində, Limanın cənubunda, Jardines de la Paz qəbiristanlığının yaxınlığında qəzaya uğrayıb.

Boru və hidravlik birləşmələr istehsal edən şirkətin işçilərini daşıyan avtobus qarşısına bir avtomobil çıxdıqdan sonra aşıb.

Yaralılar rayon xəstəxanalarına çatdırılıb.

Nəzrin Cavadzadə