Paşinyan MDB-nin qeyri-rəsmi sammitində iştirak etməyəcək

Ermənistanın baş naziri Nikol Paşinyan koronavirus testinin müsbət çıxması səbəbindən MDB-nin Sankt-Peterburqda keçiriləcək qeyri-rəsmi sammitində iştirak etməyəcək.   

TodayPress xəbər verir ki, o, bu barədə özünün "Facebook" səhifəsində məlumat verib.   

Siyasətçinin sözlərinə görə, dekabrın 23-də onun COVID-19 testi müsbət çıxıb. O qeyd edib ki, həmin gün və dekabrın 24-də özünü təcrid edib və iqamətgahda işləyib. 

“Dekabrın 25-də diaqnozum artıq mənfi idi və öz işimə qayıtdım. Bununla belə, həmkarlarımla məsləhətləşdikdən sonra Sankt-Peterburqda keçiriləcək MDB ölkələri liderlərinin qeyri-rəsmi sammitində iştirak etməməyi qərara aldım”  Paşinyan bildirib. 

O əlavə edib ki, günün sonuna kimi Ali İqtisadi Şuranın dekabrın 26-da keçiriləcək iclasında iştirak edib-etməmək barədə qərar verəcək.   

Xatırladaq ki, souncu dəfə oktyabrın 8-də Moskvada Rusiya prezidenti Vladimir Putinin sədrliyi ilə MDB sammiti keçirilib. 

Günəş Mərd