Pakistanlı əkizlər Türkiyədə ayrıldı: 14 saatlıq əməliyyat!

Pakistanda başları bitişik doğulan siam əkizləri Türkiyədə ilk dəfə edilən əməliyyat sayəsində bir-birindən ayrılıb.

TodayPress xəbər verir ki, bu barədə Türkiyə KİV məlumat yayıb. 

Başından birləşən 8 aylıq Mirha və Minal əkizləri 2023-cü ilin sentyabrında Siam əkizləri olaraq dünyaya gəliblər.  

Türkiyə Prezident Rəcəb Tayyib Ərdoğan əkizlərin müalicə üçün Türkiyəyə gətirilməsinə göstəriş verib. 

May ayında Ankaraya gətirilərək müalicə olunan körpələr iki mərhələli əməliyyatla bir-birindən ayrılıb. 

Əkizlərə həyat verən və 60 tibb işçisinin iştirak etdiyi sonuncu  əməliyyat 14 saat davam edib.

Günəş Mərd