Ordunun baş qərargah rəisi həbs edildi

Cənubi Koreya prokurorları dekabrın 3-də ölkədə hərbi vəziyyətin tətbiqinə nəzarət edən ordu qərargah rəisi Park An Sunu həbs edib. 

TodayPress xəbər verir ki, bu barədə "News1" məlumat yayıb.

Hüquq-mühafizə orqanları hərbçini üsyanda iştirak etməkdə şübhələnir və onu əsas cinayətkar kimi təsnif edir. Aydınlaşdırılır ki, Cənubi Koreya qanunvericiliyinə görə, üsyanın iştirakçıları liderlər, əsas ifaçılar və sıravi iştirakçılara bölünür. Bu halda ilk iki kateqoriyadan olan məhkumları ömürlük həbs və ya ölüm cəzası gözləyir.

Park An Su prezidentin müraciətinə qədər hərbi vəziyyətin tətbiqi planlarından xəbərsiz olduğunu bildirib. Lakin o, hərbi vəziyyətin tətbiqinə rəhbərlik etmək vəzifəsinə təyin edilib və onun adı bu hüquqi rejimlə bağlı tədbirlərlə fərmanda keçir.

Töhfə Səməd