Omanda məscidə hücum edildi, azı 6 nəfər öldü

Omanda məscidə edilən hücum nəticəsində azı 6 nəfər ölüb, 28 nəfər yaralanıb.

TodayPress xəbər verir ki, hücum bazar ertəsi axşam saatlarında paytaxt Maskatın şərqində yerləşən Vadi əl-Kəbir bölgəsində şiə müsəlmanları üçün böyük dini tədbir zamanı baş verib.

Pakistan və Oman səlahiyyətliləri ölənlər arasında dörd pakistanlı və bir polisin olduğunu, ən azı 28 nəfərin isə yaralandığını bildirib.

Oman polisi çərşənbə axşamı verdiyi açıqlamada hücumun arxasında duran 3 silahlının öldürüldüyünü açıqlayıb.

Hələlik hücuma görə məsuliyyəti üzərinə götürən olmayıb.

Nəzrin Cavadzadə