Norveç Uqandadakı səfirliyini bağladı

Norveç Uqandadakı səfirliyini rəsmən bağlayıb.

TodayPress xəbər verir ki, bununla da Norveçin Şərqi Afrika ölkəsindəki 19 illik diplomatik mövcudluğunun başa çatıb.

Səfirlik “X”-dəki paylaşımında bildirib ki, ölkənin bayrağı endirilib.

"Norveç bayrağını sonuncu dəfə endirərkən qarışıq emosiyalar yaşayırıq. Səfirlik indi bağlıdır, lakin Norveç Uqanda ilə əlaqədə qalmağa davam edir" deyə səfirlik yazıb. Endirilən bayraq Norveçin Uqandadakı səfiri Kristin Hermansenə təqdim edilib.

Norveç 2022-ci ildə beş missiyasını bağlamışdı. Ruanda və Burundiyə də nəzarət edən Uqandadakı səfirliyinin bağlanması ilk dəfə ötən ilin oktyabrında elan edilib ki, bu da ölkənin xaricdəki diplomatik mövcudluğunda bir sıra dəyişikliklərin aparıldığını göstərir.

Norveç Uqandada təhsil, səhiyyə, kənd təsərrüfatı və qaçqınlara yardım daxil olmaqla müxtəlif layihələri dəstəkləyir.

Nəzrin Cavadzadə