Nigeriyada məktəbin çökməsi nəticəsində azı 22 nəfər öldü

Nigeriyanın Plateau əyalətində yerləşən Müqəddəs Akademiya məktəbi naməlum səbəbdən çöküb.

TodayPress xəbər verir ki, binada 200-ə yaxın şagird və müəllimin olduğunu bildirən məktəb direktoru, "Bu, kədərli və talehsiz bir hadisədir. Bina uçarkən 3-cü sinif şagirdləri imtahan verirdilər" deyə açıqlayıb.

Məlumata görə, hadisə nəticəsində azı 22 nəfər həlak olub, 132 nəfər xəsarət alıb.

Ölənlərin sayının artacağı gözlənilir.

Axtarış-xilasetmə işləri davam etdirilir.

Nəzrin Cavadzadə