NATO sualtı və peyk bağlantısının davamlılığı layihəsini maliyyələşdirir

Bloomberg, NATO-nun rabitə sistemləri üçün mümkün hücumlara qarşı sistem qurmağı planlaşdırdığını açıqlayıb.

TodayPress xəbər verir ki, bu sistem, internet məlumat axınını və trafiki su altından peyklərə yönəldəcək. Planın məqsədi, mümkün təhlükələr zamanı bu internet axınını sualtı kabellər vasitəsilə peyklərə yönəltməkdir. ABŞ, İslandiya və İsveç kimi yerlərdən olan tədqiqatçılar, NATO ilə internet məlumatlarını və trafiki avtomatik olaraq peyklərə göndərəcək bir sistem üzərində işləməyə başlayıblar.

Qeyd edək ki, hələlik NATO-nun layihə ilə bağlı rəsmi açıqlaması yoxdur. Onun büdcəsinin 2.5 milyard dollara çata biləcəyi bildirilir. NATO-nun məsləhətçisi Eyüp Kuntay Durmuş, Bloomberg-ə elektron poçt vasitəsilə layihənin bu yaxınlarda təsdiqləndiyini və tezliklə başlayacağını bildirib. Əlavə olaraq, layihənin qısamüddətli layihə olmayacağı da bildirilib. Bloomberg-in əldə etdiyi sənədlərə görə, tam işlək sistem yaratmazdan əvvəl prototip və sınaq prosesinə 2 il sərf olunacaq.