NASA qapalı vəziyyətdə qalan astronavtları Yerə qaytaracaq

2025-ci ilin martında Beynəlxalq Kosmik Stansiyaya (ISS) uçacaq "Crew-10" kosmik gəmisi qapalı vəziyyətdə qalan "Starliner" heyətini Yerə qaytaracaq.

TodayPress xəbər verir ki, bu barədə Milli Aeronavtika və Kosmik Tədqiqatlar İdarəsinin ( NASA ) saytında məlumat verilib.

“SpaceX Crew-10 indi ekipajı ilə 2025-ci ilin mart ayının sonundan tez olmayaraq ISS-ə gedəcək” məlumatda bildirilib. 

Qeyd edək ki,  əvvəlcə astronavtların stansiyada təxminən bir həftə qalacağı planlaşdırılırdı, lakin gəminin mühərrikində yaranan problemlərə görə "Starliner" heyəti ISS-də qalmalı oldu. Nəticədə “Boeing” gəmisi ekipajsız Yerə qayıtdı.  

Günəş Mərd