Moldovanın energetika naziri vəzifəsindən azad edildi

Moldova Prezidenti Maya Sandu Viktor Parlikovun energetika naziri vəzifəsindən geri çağırılması haqqında sərəncam imzalayıb.

TodayPress “İnterfaks”a istinadən xəbər verir ki, sənəd prezidentin rəsmi saytında dərc edilib.

“Viktor Parlikov energetika naziri vəzifəsindən istefa verir. Sərəncam imzalandığı gündən qüvvəyə minir” sərəncamın mətnində deyilir.

Bu gün Moldovanın Baş naziri Dorin Reçan Parlikovun, “Energocom”un rəhbəri Viktor Bınzarinin və “Moldovagaz”ın Müşahidə Şurasının üzvü Sergey Tofilatın istefasını tələb etmişdi.