Moldovanın cənubunda meşə yanğını altı hektar ərazini məhv etdi

Moldovanın cənubunda yerləşən Cahul şəhərində bazar ertəsi günortadan sonra meşə yanğını baş verib.

TodayPress xəbər verir ki, yanğınsöndürənlər hadisə yerinə cəlb edilib. Yanğın nəticəsində on hektarlıq ümumi təsirlənmiş ərazidən təxminən altı hektar ərazi məhv edilib.

Bölgədə həyəcan təbili çalınıb.

Moldova Dövlət Hidrometeorologiya Xidməti iyulun 8-də, 15 iyul tarixinədək qüvvədə olan sarı yanğın təhlükəsi xəbərdarlığı yaymışdı. Bazar ertəsi bu tarix 16-22 iyul tarixlərinə qədər uzadılıb.

Nəzrin Cavadzadə